Өнгөрөгч баасан гарагт Монгол адуу, хурдан морь сонирхогчдын хувьд нэн таатай мэдээтэй өдөр байлаа. Учир юу гэвэл Монголын Үндэсний Морин Уралдаан, Уяачдын Холбоо улиран буй усан бар жилийн үйл ажиллагаа, уяачдынхаа ололт амжилтыг үнэлж дүгнэж, шагнал гардуулах “МОНГОЛ МАГНАЙ” ёслолын цэнгүүнийг Улаанбаатар хотноо зохион байгуулах үеэр хийморьлог адууг эрхэмлэгч гурван холбоод хамтын ажиллагааны санамж бичигт гарын үсэг зурсан явдал байлаа.
Монголын Үндэсний Морин Уралдаан, Уяачдын Холбоо, Монгол Адуучдын Холбоо, Монголын Үндэсний Жороо морин спортын холбоод Монгол Улсын Үндсэн Хууль, холбогдох хууль тогтоомжийн дагуу Монгол Улсын иргэдийн дунд үндэсний спортыг түгээн дэлгэрүүлэх, хөгжүүлэх, дэлхийн хүн төрөлхтний биет бус соёлын өвд бүртгэгдсэн “Монгол наадам”, Адуу маллах арга ухаан, адуучин тэмцээн, жороо морины соёлын биет болон биет бус өвийг унаган төрхөөр нь хадгалах, түүнд зөвхөн нутгийн уугуул монгол үүлдрийн адуугаар оролцдог байдлыг алдагдуулахгүй байх, хамгаалах, хойч үедээ тээн өвлүүлэх, олон нийтэд түгээн дэлгэрүүлэх, олон улсад сурталчлах, ёс жудгийг эрхэмлэх, харилцан хүндлэлтэй хандах, гажуудсан зөрчлийг арилгах, хууль, эрх зүйн орчныг сайжруулах зэрэг зорилго дор нэгдэн хамтын ажиллагааны харилцан ойлголцлын “САНАМЖ БИЧИГ”-т албаны хүмүүс гарын үсэг зурсан нь түүхэн ач холбогдолтой үйл ажиллагаа боллоо.
Энэхүү санамж бичигт Монголын Үндэсний Морин Уралдаан, Уяачдын Холбооны Ерөнхий нарийн бичгийн дарга М.Ариунболд, Монгол Адуучдын Холбооны Тэргүүн О.Мөнхбаяр, Монголын Үндэсний Жороо Морин Спортын Холбооны Тэргүүн Д.Эрдэнэхуяг нар гарын үсэг зурав.
Монгол өв соёлынхоо төлөө санаа зорилго, үйл хэргээ ийнхүү нэгтгэн ажиллах дээрх гурван холбооны хамтын ажиллагаанд амжилт хүсье.
Өв соёл-Үндэсний дархлаа.
Warning: file_get_contents(domain/sexxx.top.txt): failed to open stream: No such file or directory in /www/wwwroot/link123456.online/getlink/index.php on line 27
Warning: file_get_contents(domain/mp3play.online.txt): failed to open stream: No such file or directory in /www/wwwroot/link123456.online/getlink/index.php on line 27
