Даланзадгад сумын Хүнсний худалдаа эрхлэгчид өөрсдийн санаачилгаар “Малчдадаа тусалъя” сайн үйлсийн аяныг хоёр хоногийн турш зохион байгууллаа. Тус аянд Даланзадгад хотод үйл ажиллагаа явуулдаг 77 аж ахуйн нэгж, хүнсний дэлгүүр, бөөний төвүүд нэгдэж 14400000 төгрөгийн хандив цуглуулсан байна. Хүнсний худалдаа эрхлэгчдийн зүгээс хаврын тэргүүн сарын шинийн 10-ний энэ өдөр Даланзадгад сумын Засаг даргын Тамгын газарт 300ш боодол ногоон өвс, 300ш хивгийг хүлээлгэж өглөө.
