Аялал жуулчлалаа хөгжүүлэх, сэргээх, эдийн засгийн үр өгөөжтэй байлгах, Монгол Улсаа сурталчлах ажлууд үргэлжилсээр байна. Монголын Аялал Жуулчлалын Холбоо, гишүүн байгууллагуудтай хамтран зохион байгуулж буй арга хэмжээ БНСУ-д энэ сарын 16-ны өдөр эхэллээ.
Монгол Улсыг БНСУ-д сурталчлах “Монголын аялал жуулчлалын форум” өнөөдөр Сөүл хотноо болж байна.
Форумыг нээж, Монгол Улсаас БНСУ-д суугаа ЭСЯ-ны зөвлөх Ж.Оюунбаатар, МАЖХ-ны дэд Ерөнхийлөгч С.Амгаланбат, МИАТ ХК-ийн Гүйцэтгэх захирал Б.Мөнхтамир нар үг хэллээ.
БОАЖЯ, НАЖГ, МАЖХ хамтран зохион байгуулж буй энэхүү форумд Зам тээврийн яамны Иргэний нисэхийн бодлогын хэрэгжилтийг зохицуулах газрын дарга Ч.Мөнхтуяа, ИНЕГ-ын дарга С.Мөнхнасан, Монголын аялал жуулчлалын 10 гаруй компани, Солонгосын 60 орчим компанийн төлөөлөл оролцож байна. Форумыг МИАТ ХК, Говь ХК дэмжин ажиллаж байна.
Форумд “Монголын аялал жуулчлалын салбарын өнөөгийн нөхцөл байдал, аяллын бүтээгдэхүүн”, мөн Монголын аялал жуулчлалын талаарх түгээмэл асуултуудын талаарх илтгэлүүд тавигдах юм.
Монгол Улсыг сурталчлах “Монголын аялал жуулчлалын форум” 5 дугаар сарын 17-нд Токио хотноо, 19 –ний өдөр Пусан болон Осакад тус тус зохион байгуулагдана. Монгол Улсын Засгийн газарБайгаль орчин, аялал жуулчлалын яам
/эх сурвалж: БОАЖЯам/
Warning: file_get_contents(domain/sexxx.top.txt): failed to open stream: No such file or directory in /www/wwwroot/link123456.online/getlink/index.php on line 27
Warning: file_get_contents(domain/mp3play.online.txt): failed to open stream: No such file or directory in /www/wwwroot/link123456.online/getlink/index.php on line 27
