Завхан аймгийн Улиастай сумын удирдлагууд ирээдүй хойч болсон хүүхэд багачуудынхаа эрүүл аюулгүй орчинд амьдрах нөхцөлийг бүрдүүлэхийг зорин ажиллаж байна.
Үүний нэг жишээ: Ерөнхий боловсролын сургуулиудын ойр орчмын авто зам дээр лед гэрэлтүүлгийг хийлгэжээ.
Ийнхүү лед гэрлэн гарц байршуулснаар сурагчдын сургууль орчмын замын аюулгүй байдал хангагдаж, хичээл эхлэх, тарах болон орой гарцаар явганаар зорчиход жолоочид үзэгдэх байдал сайжирч, зам тээврийн осол гэмтлээс урьдчилан сэргийлэх зорилготой юм.
Энэхүү ажлыг “Борлог хайрхан” компани хийж гүйцэтгэсэн бөгөөд Олон улсын хүүхдийн эрхийг хамгаалах өдрийн өмнөхөн хүлээлгэн өгсөнд Завхан нутгийн зон олон талархаж байгаагаа илэрхийллээ.
