Сонгинохайрхан дүүргийн 34 дүгээр хорооны Орбитын тойрогт байрлах “Тунгалаг” үйлчилгээний газрын хувцас угаалга, халуун усны танхимд байгуулсан мэдээллийн төвийн нээлт боллоо. Тус төвийг үйл ажиллагааг Иргэдийн хурлын төлөөлөгч, тус хорооны Засаг дарга А.Батбаяр “Цаг өгье” төслийн багийнхантай хамтран санаачлан, хэрэгжүүлж байна.
Төслийн хүрээнд мэдээллийн төвийг Орбит орчимд амьдардаг өрх толгойлсон эмэгтэйчүүдийн хөлсгүй хөдөлмөрт зарцуулдаг цагийг багасгах, тэднийг чадавхжуулах, нийгмийн харилцаанд илүү идэвхтэй оролцох боломжийг өгөх мөн тухайн орон нутгийн өсвөр насны охид, хөвгүүдэд амьдралд нь нэн хэрэгтэй мэдлэг, мэдээллийг өгөх зорилготойгоор нээсэн юм.
Энэхүү мэдээллийн төвийг байгуулснаар тус дүүргийн иргэд, эмэгтэйчүүд, хүүхэд залуус мэдээллийн төвд байрлуулсан ном, товхимол уншиж, интернэтийн үйлчилгээ зэргийг үнэ төлбөргүй авах боломж бүрдэж байна.
Мөн “Цаг өгье” төсөлд сонгогдон хамрагдаж буй өрх толгойлсон эмэгтэйчүүд, хөгжлийн бэрхшээлтэй иргэд, хөгжлийн бэрхшээлтэй гэр бүлийн гишүүнээ асран хамгаалдаг эмэгтэйчүүд хоёр долоо хоногт нэг удаа хоёр сагс хувцас угаалгах, халуун усны газраар үнэ төлбөргүй үйлчлүүлнэ. Энэхүү үйлчилгээг авснаар тэд дунджаар долоо хоногт “хөлсгүй хөдөлмөр”-т зарцуулдаг 5-6 цагийг хэмнэх боломжтой хэмээн төслийн багийхан онцолж байна.
/эх сурвалж: Сонгино хайрхан дүүргийн ЗДТГ/
Warning: file_get_contents(domain/sexxx.top.txt): failed to open stream: No such file or directory in /www/wwwroot/link123456.online/getlink/index.php on line 27
Warning: file_get_contents(domain/mp3play.online.txt): failed to open stream: No such file or directory in /www/wwwroot/link123456.online/getlink/index.php on line 27
