ӨВӨРХАНГАЙ АЙМГИЙН ХАРХОРИН СУМАНД ФЕРМЕНТЖҮҮЛСЭН БАГСАРМАЛ ТЭЖЭЭЛ ҮЙЛДВЭРЛЭЛИЙГ НУТАГШУУЛАХ ТӨСЛИЙН НЭЭЛТ  БОЛЛОО

2022-08-30 291 0

Өвөрхангай аймгийн Хархорин суманд “Ферментжүүлсэн багсармал тэжээл үйлдвэрлэлийг нутагшуулах” төслийн нээлт  боллоо. Нээлтийн үеэр төсөлд оролцогч өрхүүдэд дарш бэлтгэх сав, үр тариа бутлагч төхөөрөмж гардууллаа. Энэхүү арга хэмжээний нээлтэд Бүгд Найрамдах Солонгос улсын КОПИА Монгол төвийн захирал, Чой Ман Ёон, мэргэжилтэн Со Сонг, ХХААХҮЯ-ны Төрийн нарийн бичгийн дарга Т.Жамбалцэрэн, ХХААХҮЯ-ны Мал аж ахуйн бодлогын хэрэгжилтийг зохицуулах газрын дарга Д.Баянбат, Хархорин сумын Засаг дарга Г.Одгэрэл нарын албаныхан оролцож, төсөлд хамрагдсан малчидтай уулзлаа. 

Төслийг нээж ХХААХҮЯ-ны Төрийн нарийн бичгийн дарга Т.Жамбалцэрэн “ХААИС-ийн Мал аж ахуй, биотехнологийн сургуулийн хамт олон болон Бүгд Найрамдах Солонгос улсын КОПИА Монгол төвийн хамт олонд баярлалаа. Хүнс, хөдөө  аж ахуй, хөнгөн үйлдвэрийн яам нь богино хугацаандаа хөдөө аж ахуйн үйлдвэрлэл дэх бүтээмжийг нэмэгдүүлэх, эрчимжсэн мал аж ахуй үйлдвэрлэгчдийн тэжээлийн хангамж, чанарыг сайжруулах, малчин өрхийн амьжиргааг дэмжих үйл ажиллагааг хэрэгжүүлэн ажилладаг. Энэ ажлын хүрээнд аймгуудад хадлангийн иж бүрэн тоног төхөөрөмж олгох, тэжээлийн үйлдвэрийг хөгжүүлэх, тэжээлийн түүхий эдийн нөөц бүрдүүлэх ажлыг гадаадын төсөл хөтөлбөрийн хөрөнгө оруулалтаар хэрэгжүүлж байна. Төслийг хэрэгжүүлэх хугацаанд тэжээлийн ургамлын сайн чанарын үрээр хангах, багсармал тэжээл үйлдвэрлэхэд шаардлагатай тэжээл хэрчигч, тэжээл нунтаглагч зэрэг техник хэрэгслээр ханган өрхийн түвшинд ферментжүүлсэн багсармал тэжээл бэлтгэх, тэжээлийн чанарыг сайжруулах  боломжийг бүрдүүлэх юм. Ингэснээр мал сүргийн чанарыг сайжруулах, байгаль цаг уурын эрсдэлээс урьдчилан сэргийлэх замаар малчдын орлогыг нэмэгдүүлэхэд тодорхой хувь нэмэр оруулах болно” гэдгийг онцоллоо.


Warning: file_get_contents(domain/sexxx.top.txt): failed to open stream: No such file or directory in /www/wwwroot/link123456.online/getlink/index.php on line 27

Warning: file_get_contents(domain/mp3play.online.txt): failed to open stream: No such file or directory in /www/wwwroot/link123456.online/getlink/index.php on line 27

Leave a Reply

Your email address will not be published. Required fields are marked *

Холбоотой мэдээ