Автотээврийн үндэсний төв ТӨҮГ-ын Техникийн хяналтын үзлэг, оношлогооны төвүүд Европын стандарт шаардлагыг хангасан, олон улсын жишигт нийцсэн, хамгийн сүүлийн үеийн өндөр нарийвчлалтай багаж хэрэгсэл, тоног төхөөрөмжтэйгээр үйл ажиллагаа явуулж байна.
Улаанбаатар хот болон 21 аймагт 27 суурин үзлэгийн төв жилийн турш тасралтгүй үйл ажиллагаа явуулж байна. Эдгээр төвд мэргэшсэн ур чадвартай инженер, техникийн ажилтнууд үзлэг хийж, жолооч нарт зөвлөгөө мэдээлэл өгдөг юм. 2022 онд улсын хэмжээнд 679,342 тээврийн хэрэгсэл техникийн хяналтын үзлэгт хамрагдсан дүн мэдээ байна.
