Аймгийн Онцгой комиссын 2 дугаар хуралдаанаар Галшар суманд өвөлжилт хүндэрсэнтэй холбогдуулан өвс, тэжээл, машин техникийн дэмжлэг үзүүлэх шийдвэр гарсан. Үүний дагуу 2 дугаар сарын 5-аас 8-ны өдрүүдэд аймгийн ОБГ-аас ажлын хэсэг томилогдож Дорнод аймгийн Матад сумаас 1300 боодол өвс, 4 тн тэжээл татан авч Галшар сумын Онцгой комисст хүлээлгэн өгч, тус комиссын шийдвэрээр айл өрхүүдэд олгосноос гадна Арвин багийн 20 өрхөд өвс тэжээлийг нь хүргэж өгчээ.
Мөн ГХБХБГ-ын land76 автомашиныг түр хугацаагаар сумруу шилжүүлж иргэдэд эрүүл мэндийн тусламж үйлчилгээ болон хоол хүнс хүргэж өгөх, яаралтай тусламжийн дуудлагад ажиллуулж байна.
